Participemos na Xornada de Loita Europea
- Polo reparto da riqueza e do traballo.
- Por unha economía ao servizo das persoas non dos mercados e especuladores.
- Por unha renda social básica e universal.
- Polo dereito á libre circulación das persoas.
- Nunca máis bancos con casas e xente sen casa.
- Por unha banca pública.
- A economía aos servizo das persoas e do medio ambiente.
- Por uns servizos sociais (sanidade, ensino, servizos sociais, dependencia), sen copago, solidarios, públicos e universais.
Ante a moi grave situación que estamos a padecer en Ferrolterra, Galiza, ... e no resto de Europa, como consecuencia das decisións adoptadas, pola chamada troika (BCE, FMI e CE) e polos seus encargados, os gobernos de Ferrol, Madrid e Compostela, do dereitista Partido Popular que en forma de orzamentos, privatizacións, recortes públicos e de dereitos sociais e laborais, están saqueando os nosos bens, o noso patrimonio social, o noso tecido produtivo e económico, arruinando-nos como País e empobrecendo-nos como Pobo, o 14 de novembro está convocada unha folga xeral e xornada de loita social en Europa. O obxectivo desta mobilización é dar un golpe coordinado en todo o continente ao poder do capital transnacional e financeiro, que está ditando aos seus encargados, os gobernos, medidas de recortes e reformas que nos levan á pobreza e á máis absoluta das desproteccións e perda de dereitos. Están roubando miles de millóns de euros a todo o pobo e ás arcas públicas para pagar a débeda ilexítima e os seus intereses, para rescatar a súa banca e as súas grandes empresas.
Pensionistas, desempregad@s, labreg@s, estudantes, pequeno empresariado e comercio, autónom@s, inmigrantes con papeis, sen papeis, mozas e mozos... están chamados a mobilizarse, xunto aos traballadores e traballadoras en activo, e facer desta xornada europea de loita social, o primeiro dos últimos dias dos gobernos que en Europa son obedientes á troika (FMI,BCE,CE), e están dispostos a pagar aos grupos financeiros, unha devida ilexítima, antes do que asegurar o noso dereito á saúde, á educación, a unha vivenda digna, a un retiro tranquilo e con seguridade, e crear os postos de traballo necesarios, que permitan unha vida en condicións dignas.
Vencer á Troika e aos seus gobernos encargados!
Xuntos e xuntas temos poder para facelo!
Asemblea do Movemento Social de Ferrol Terra en apoio á folga xeral e xornada de loita social en Europa.
QUE PODO FACER O 14N?
- Non acudir ao posto de traballo.
- Participar nos piquetes convocados polos sindicatos.
- (Ás 00:00 do día 14, na Praza do Concello de Ferrol, e nova concentración de piquete ás 05:00)
- Os cinco primeiros minutos do día 14, apagar a luz.
- Non acudir aos bancos, nin utilizar os caixeiros.
- Non repostar nas gasolineiras.
- Non enviar aos nenos e nenas á escola.
- Non acudir a centros de ensino nin Universidades.
- Non acudir ás citas médicas, acudir a urxencias en caso necesario.
- Reducir o consumo eléctrico ao longo de todo o día:
- apagar o televisor, usar a luz e electrodomésticos imprescindíbeis.
- Non realizar ningún tipo de consumo fora da casa, nin en cafetarías,tendas, hipermercados...
- Reducir no posíbel o consumo na casa.
- Acudir á manifestación ás 12hs no Inferniño.
QUE PODO FACER DESPOIS DA MANIFESTACIÓN?
- Non entrar en ningún establecemento aberto.
- Participar nos piquetes que se organicen de tarde.
- Xuntarse familias ou amistades para compartir comida o resto do día, aforrando consumo enerxético.
***
Baixar a folla informativa en formato -pdf.
***
Nenhum comentário:
Postar um comentário